Pulitika by Isko Macgui-ing

Sung by: Isko Macgui-ing
Composed by: Wilson Langpawen
Produced by: Marcons Dayaoen
Lyrics:

Pulitiko kaman dan syokoy
Ay kasin totolokoy
Man owik da's ad-ado'y baboy
Bareng maawis si totoy
Pabal-en da'y ad-ado'y tapey
Inpabubod da'd Labey

Apaw tet-ewa nan pulitika
No dumateng panagko-kompanya
Pulitiko man kuliseng da
Ta wa'y mang-ibotos kenda-ida
Ngem no pay ta mangabak da
Tun-od kaman nang-nangruna

Uray narugit san takkay mo
En da'n kasama-samano
Uray adi da ka'n am-ammo
Tuntonen da ka tun-od mo kano
Asi pay no en da man-tukdo
Adi da ka'n pagan-ano

Wa'y mangiwaras essan pilak na
No mankali wa'y segseg-ang na
Ngem no pay ta wa'y swerte na
Tauli-ena ay mangon-una
Sin buwis di ipugaw na
Man-ngasiit ta'n wa'y itaba na

Pulitiko, man-nemnem kayo
Adi yon ituogan di gait yo
Deng-ngen yo nan kansyon ko
Bareng no mabain kayo

Pulitiko, no maabak ka
Maga'y pabasulem kuma
Siguro lawa'y en mo inmula
Isu'y inapit mo'y lawlawa
Adi tako'n man-giginnura
Pulitika wat sinan luta

Tangadem si Dios Ama
Ta'n sisya nan tet-ewa
Maga di pan-gibusanna
Mangituray sin langit ya daga
Isu nga adam kanan en sik-a
Di ari ay intunda na

Pulitiko, man-nemnem kayo
Adi yon ituogan di gait yo
Deng-ngen yo nan kansyon ko
Bareng no mabain kayo

Pulitiko, man an-anus ka
Bilin Ama, egnam kuma
Ta adi masep-sep, ay lumawlawa
Pulitika sinan luta

Pulitika sinan luta

Pulitika..

Pulitika..

Pulitika..