Gawis No Kasin Sumaa by Ricky Olpindo

Lyrics:

Essan eyak inmadayo manpaay kenda kayo
Ta din rigat kuma ya mapunas ko
Ad ado a sakripisyo din inpan ko
Syay en matago ken sak-en ay inmadayo
No sumipnget pay nan batawa mantedted san luluwa
Dadama ay layad ya ilew ko

Gawis ubpay no kasin ta sumaa
Mabang-aran rikna'y mang-ila si pamilya
Gawis ubpay no kasin ta sumaa

Man-udan man ya men ney-a, mandagem ya manliboo
Mankimat man ya mankido, magay egyat ko
Tay din wada si nemnem ko manpaay kenda kayo
Magay anyaman din rigat ya tuod ko

Gawis ubpay no kasin ta sumaa
Mabang-aran rikna'y mang-ila si pamilya
Gawis ubpay no kasin ta sumaa

San layad ya dungngo daida san tireb ko
Ay mangpunas isnan ilew ko
San isem ya talek mo daida san baon ko
Ay kanayon ay wada s'nan nemnem
San layad ko ken sik-a kanayon ay wada s'nan rikna
Nan ilew ko san gapuna'y eyak sumaa

Gawis ubpay no kasin ta sumaa
Mabang-aran rikna'y mang-ila si pamilya
Gawis ubpay no kasin ta sumaa

Gawis ubpay no kasin ta sumaa
Mabang-aran rikna'y mang-ila si pamilya
Gawis ubpay no kasin ta sumaa