Diploma by Lordes

Lyrics:

Ay-ay, iman da ama ken ina
Mang-mangpos nan gumot da
Ikutkot-kot da sinan luta
Ta no bumgas nan ling-et da wa'y en i-eskwela

Kanan da en nan tawid ko
Et begas di ling-et da
Nallos buwan ya taw-en
Linpas ko nan High School ay kanan da

Et kanan ama ay mangtuya,
Anak, umey ka ad siyudad
Umey ka men adal si kina-mistala
Ta no sumaa ka isulo-am nan u-ung-a
Isulu-am sinan men-gawisan da

Ilaek si ina et men-luluwa
Kanana, anak ko, mensing-singpet ka
Sik-am, Kabunyan, ipabaon mi en sik-a
Sedsed-en mi'n sulat mo'n dakami

Dinmatengak ed siyudad ay kanan da
Wada nan dinatngak ay gagayyem ko
Kananda'n nalagsak nan biyag sinan siyudad
Wada'n liwliwa'y sine ya nan folk house

Wada pay nan marijuana'y agas di problema
Kanak no iitaw ko'n inilak ay lagsak side
Nilinglingak din bilin da ama ken ina
Maipanggep si inilak ay lagsak

Binilang ko nan upat ay taw-en
Asiyak et damagen
Ay din daytoy enmey nen uskela
Et linpas na nan kurso na

Asiyak pay et nemnemen
Ay inyaw-awan din barkada sak-en
Ay-ay pay da ama ken ina
Mensese-ed si idateng ko's diploma