Lyrics:
Datayo nga uubing adal ipasnek tayo
Ta isu't pakairanodan ken masakbayan
Tapno sumayaat ti panagbiag tayo
Ta data'y sumaruno nga makaturpos to
Datayo nga aanak inta'y kuma ikarigatan
Saan nga bulakbol, arem ken bisyo
Tapno ti kamaudiyanan adda magun-od tayo
Ken pakaidayawan nagannak kada tayo
Datayo nga uubing ikarkarigatan tayo
Tapno agbalin tayo nga titulado -
Maestro, Enhinyero, Doktor ken Abogado
Tapno ti masangwanan nanam-ay biag tayo
Aama ken iina salamat ti anos yo
Rigat ken sakripisyo amin nga inpaay yo
Ti adal kapapatgan saan nga maawan
Tawid nga agnanayon inggana't pagtungpalan
No comments:
Post a Comment