by Salidummay
O Demdem lukatam ta riknam
Tapno kasta enka mangegan
Sapay kuma ta maawatam
Ti salidumay ti dangadang
O Demdem diak maibturan
Daytoy pusok masugsugatan
No matmatak ti kakailyan
Nakaro a magun-gundawayan
O Demdem agpakada ak kenka
Lawlawek ti Kordilyera
Sumilpo ak iti kakadwa
Agsirbi ak kadagiti masa
O Demdem punasem ta luwam
Ta saan na a kagibusan
Ayat nga entay inay-aywanan
Iti tengnga iti dangadang
O Demdem diak to maup-upay
Iti innak panagur-uray
Iti inka panakisilpo
Palalo 'nto ragsak na toy puso
O Demdem no mailiw kan to
Iparwar mo 'nto ti piktyur ko
Sam kantaen daytoy kansyon ko
Ada ak to dita sibay mo
O Demdem 'toy ayat ta a dua
Ayat nga awan patinggana
Idaton ta iti dangadang
Idaton ta para ti pagilyan
No comments:
Post a Comment