Suspetsa Lyrics

Artist: Sogaypan

Suspetsa, no mamingsan
Wada di mailag-agan
Wada san maproblemaan
Ad-ado'y masaksaktan

Am-amed no suspetsa
Yan magay ebidensiya
Sya et di pan-iibawan
Sya et di pan-guguloan

Wa'y duwa ay man-gayyem
Da Pandaki en Mek-eng
Maymayat si buybuyaen
Ta very sweet da pay laeng

Ngem asak pay madismaya
Tan manlugi ay man-ibaw da
Asak maamuan nan gapu na
Wat begew di suspetsa

Si Mek-eng manpasugnod
Ta wa'y en nangisudsod
Ay si Pandaki ay boyfriend na
Wada kanoy kate-teksmeyt na

Manlugi et pay sidi
Din suspetsa di nen-ari
Enggana ay nawaswas
Layad da Mek-eng en Pandaki

Suspetsa
O, suspetsa
Ad-adoy dinadael na
Man-gayyem unno manbarkada
Sin-asawa, pati pamilya

Suspetsa, no mamingsan
Say panagsiguraan
say adi pankina-awatan
Pati din manabalayan

Wada di mankatugangan
Say enda pansungsungbatan
Mairaman san kailyan
Sya et din pantraybal waran

Suspetsa, no maminsan
No adi maliklikan
Say gapu si pansisinaan
Ib-ak ay naasawaan

Ta ngarud adi masayang
Sigud ay pankakadwaan
Suspetsa di ilisian
Ta urnos di kumakamang

Suspetsa
O, suspetsa
Ad-adoy dinadael na
Man-gayyem unno manbarkada
Sin-asawa, pati pamilya

Suspetsa
O, suspetsa
Tet-ewa ay problema

Suspetsa
O, suspetsa
No mamingsan tumet-ewa

Suspetsa
O, suspetsa
No mamingsan tumet-ewa